醫治乳癌不是「擒賊先擒王」嗎?術前化療確保手術效果更全面

術前化療確保手術效果更全面

[曾醫生故事轉載]

2020年11月24日 ⛅️ 醫治乳癌不是「擒賊先擒王」嗎?

 

香港新冠肺炎第四波好像又殺到了,大家記緊戴口罩😷,勤洗手。年初肺炎初肆虐的時候,有好多人都好驚,唔敢出街,連睇醫生都唔敢,李女士亦一樣。

 

李女士👩🏻‍🦱在農曆新年嘅時候,摸到左胸有一個硬塊🪨,但係當時肺炎爆發,唔敢出街,連睇醫生都唔敢。等了半年,才的起心肝睇醫生🩺。我和李女士做初步檢查,腫瘤已經有5cm大,腋下亦摸到有硬塊,已經深感不妙,立刻安排超聲波、乳房造影及抽針,最後確診乳癌。最唔開心💔嘅係,超聲波下見到腋下有好多淋巴漲大,抽針亦確實已經擴散到腋下淋巴。

 

幸好,正電子電腦掃描PET-CT scan☢️ 見唔到身體其他器官🫁有擴散跡象,但係腋下淋巴已經擴散到第三組。另外抽針化驗報告確診係HER2 型乳癌,所以我建議李女士先打化療💉及鏢靶🎯,後做手術。

 

👩🏻‍🦱:醫生,不如你幫我做手術拎走個瘤💣先啦!

 

👩🏻‍⚕️:其實你呢一刻,手術未必係最好嘅方案,因為…
一,如果而家衝入去🏥做手術,個腫瘤體積大,好多淋巴有影響,手術擔心未必可以做得完全徹底乾淨,手術後亦會有好大機會淋巴手腫🦾
二,較高期數嘅乳癌嘅病人,雖然掃描見唔到其他器官有擴散,但係可能身體裏邊有好多浮游嘅壞細胞🦠,好微細而家只係未見得到,所以要把握時間,先做化療💉及鏢靶🎯,令癌細胞退下火線🧯,才做手術先安全。

 

其實而家醫學昌明,化療已經冇以前咁得人驚。而且對於乳癌來講,術前化療,好多時效果都好好。雖然俗語有話「擒賊🦹🏻‍♂️先擒王」,但係有些時候,我哋要先「搞掂」賊王啲手下👾👾👾,削弱賊王嘅惡勢力,最後才一網🕸打盡可能更有智慧。

 

最後,雖然肺炎到而家仲未平息,明白大家擔心受感染,但係如果身體發現任何狀況,都請記住要去睇醫生👩🏻‍⚕️👨🏻‍⚕️呀!
歡迎分享,請註明出處。😊

 

 

延伸閱讀:
按此了解更多關於術前化療